كل ما تحبه عن سينا والعالم العربى
 
الرئيسيةالتسجيلدخول
أهلا وسهلا بك إلى منتدى الحلم

شاطر | 
 

 محشى مشكل ررروعة يعجبكم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بنت الباديه
سيناوى جديد
سيناوى جديد


عدد الرسائل : 4
العمر : 50
اعلام الدول :
المزاج :
المهنة :
الهواية :
الاوسمة :
تاريخ التسجيل : 25/07/2009

مُساهمةموضوع: محشى مشكل ررروعة يعجبكم   الأربعاء يونيو 16, 2010 3:51 am

سلام عليكم يا قمرات انهارده قلت اعملكم طبق محشي مشكل
يستاهل بقكم



تكبير الصورةتصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.



المقادير :

كيلو رز مصري مغسول كويس ومنقوع علي الاقل ساعتين
2 حزمة بقدونس مفروم
2 حزمة كسبرة خضراء مفرومه
2 حزمة شبت مفروم
4 بصلات كبار مفرومين
نص راس ثوم مفرومه
ملح
فلفل
كمون
كسبره ناشفه
زنجبيل
نص كيلو عصير طماطم
نص كيلو طماطم مفرومه
2 ملعقه كبيره سمنه بلدي
3 ملعقه كبيره زيت ذره
كيلو كوسه محفوره
كام قرن فلفل اخضر ونشيل منه البذر
كيلو باذنجان ابيض محفور
ورق عنب
ورق كرنب (ملفوف )
وممكن لو عاوزه كمان ورق خس و ورق لفت بس انا ماكانش عندي
مرقه سمينه عشان نسويه فيها


الطريقه :

نغسل الرز كويس بعد ما ننقيه ونسيبه منقوع فتره علي الاقل ساعتين

في الوقت ده نكون بنحضر الخلطه ونحفر الكوسه و ننضف الفلفل ونحفر الباذنجان


نغسل الكوسه كويس ونحفرها بمفحرة الكوسه ونحتفظ بالقلب

ننضف الفلفل من البذر ونغسله ونسيبه يتصفي


تكبير الصورةتصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


نغسل الباذنجان ونحفره ونرمي القلب ، بعد كده نشوحه في شوية زيت صغيرين
(وده بيديله طعم جميل ويخليه زي الزبده ، وكمان بيخليكي ممكن تحشيه علي بيات
لانه لو اتحشي علي طول من غير تشويح وفضل فتره قبل الطبخ مش بيستوي
( بالنسبه لي كنت مخزنه الباذنجان من الموسوم بتاع السنه اللي فاتت باحفره واشوحه
واسيبه يبرد وبعدين احطه في اكياس وعلي الفريزر )


ورق العنب كنت برضو مخزناه من الصيف اللي فات ، باغسله واسيبه يتصفي من ميته
وبعدين في اكياس وعلي الفريزر واما اجي استخدمه اطلعه واحشيه من غير سلق
لان التفريز اصلا بيبقي خلاه طري ومش محتاج يتسلق وده بيديله ميزه انه بيفضل لونه
اخضر ومش بيصفر زي المسلوق وكمان المزازه اللي فيه بتفضل زي ماهيه )


تكبير الصورةتصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.




الكرنب او الملفوف في الشتاء باسلقه واقطعه علي اد الصابع وبرضو باشيله جاهز علي
الاستخدام في الفريزر لان بتاع الشتا بيبقي احلا بكتيييييييير من كرنب الصيف


تكبير الصورةتصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.



في حله علي النار نحط السمنه والزيت ونبدأ نشوح البصل واول ما يطري شويه ويبقي شفاف
نحط الثوم اول ما نشم ريحة الثوم نحط الطماطم ونسيبها تتسبك
ممكن تستغني عن الخطوه دي لو هاتتبخي المحشي علي طول مش ها تحشيه علي بيات

(باحب بصل المحشي يبقي كتير )


تكبير الصورةتصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.




دايما باعمل ضعف الكميه واشيل نصها في الفريزر للمره الجايه خصوصا لو الطماطم رخيصه



تكبير الصورةتصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.



نصفي الرز ونحط عليه الشبت والكسبره والبقدونس المفرومين

( باحب الخضره تبقي كتير )


تكبير الصورةتصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


والتسبيكه والتوابل وراعي ان كمية الكمون تكون الضعف



تكبير الصورةتصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.



ونقلبهم كويس اوي



تكبير الصورةتصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.



استنوني هاكمل اوعوا حد يقوم
في نفس الحله اللي عملت فيها التسبيكه حطي قلب الكوسه وملعقه زيت وغطيه بكام
ورقه عنب او ممكن الورق السميك اللي بيبقي بره الكرنبه ( طبعا باسلقه واشيله عشان
افرده في قاع الحله ، وبكده باحمي اخر صف من انه يتحرق )

نبدأ نحشي الكوسه والفلفل الباذنجان وورق العنب والكرنب


ودي طريقة ورق العنب


تكبير الصورةتصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


وانا باحشي باحط علي صينيه عشان كده اسرع


تكبير الصورةتصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.



وبعدين ابدأ ارصه في الحله


تكبير الصورةتصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


شوفوا ماشاء الله ورق العنب اخضر زي ماهو ازاي



تكبير الصورةتصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.



واغطي الوش بكام ورقة عنب او ورق الكرنب اللي قلتلكوا عليه عشان يستوي كويس


تكبير الصورةتصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


ثم عند الطبخ باضيف اي مرقه متوفره ويفضل انها تبقي مرقه سمينه مثلا رومي او بط
او لحمه ضاني يادوب المرقه تبقي مغطيه وش المحشي لان الكوسه بتنزل ميه اصلا

واسيبه علي نار عاليه لحد ما يغلي ويتشرب معظم الميه

بعدها نوطي النار جدا ونسيبه يستوي علي نار هاديه علي الاقل ساعه

وبعدها نكشف الحله ونسيبه يستهدي شويه ونبدا نغرفه ونقدمه


تكبير الصورةتصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


المره دي عملته مع بط وملوخيه و سلطة زبادي

بس معلش مالحقتش اصورهم مع بعض ماشاء الله اتنسفوا



الطبق ده لاول واحده هاترد



تكبير الصورةتصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.



منقول لكم
وبالهنا والشفا عليكم
الرجوع الى أعلى الصفحة اذهب الى الأسفل
 
محشى مشكل ررروعة يعجبكم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الحلم السيناوى :: المنتدى الادبي والاجتماعي :: قسم الطيخ-
انتقل الى: